2026-yil 18-fevral kuni Turkiyaga amalga oshirilgan tashrif doirasida Oziq-ovqat texnologiyasi va muhandisligi xalqaro instituti vakillari Fırat Universityning Ilmiy ishlar va innovatsiyalar bo‘yicha prorektori, Mahmut Doğru bilan uchrashuv o‘tkazdi.
Uchrashuv davomida kelgusidagi hamkorlik istiqbollari, qo‘shma ilmiy-tadqiqot loyihalarini amalga oshirish hamda magistrant va doktorantlar uchun yangi imkoniyatlar yaratish masalalari yuzasidan muhim kelishuvlarga erishildi.
Mazkur muloqot ikki oliy ta’lim muassasasi o‘rtasidagi ilmiy aloqalarni mustahkamlash va xalqaro hamkorlikni kengaytirishga xizmat qiladi.
