Oliy ta’lim muassasasi Korrupsiyaga qarshi kurashish “komplayens-nazorat” tizimini boshqarish bo‘limi faoliyati to‘g‘risidagi NAMUNAVIY NIZOM
Ushbu Namunaviy nizom O‘zbekiston Respublikasi Korrupsiyaga qarshi kurashish agentligi direktorining 2026-yil 28-martdagi 84-son buyrug‘iga muvofiq oliy ta’lim muassasalari (filiallari)ning (keyingi o‘rinlarda – OTM) Korrupsiyaga qarshi kurashish “komplayens-nazorat” tizimini boshqarish bo‘limlarining (keyingi o‘rinlarda – Bo‘lim) maqsadi, vazifalari, funksiyalari, huquq va majburiyatlari hamda ularning faoliyatini tashkil etish tartibini belgilaydi. Bo‘lim OTMning mustaqil tuzilmasi hisoblanadi.
1-bob. Umumiy qoidalar
1. Bo‘lim o‘z faoliyatini qonun hujjatlari, O‘zbekiston Respublikasi Prezidentining farmonlari va qarorlari hamda Vazirlar Mahkamasining qarorlariga, shuningdek, ushbu Namunaviy nizomga muvofiq amalga oshiradi.
2. Bo‘lim korrupsiya holatlarini barvaqt aniqlash va oldini olish, kelib chiqish sabab va shart-sharoitlarini bartaraf etish, korrupsiyaga qarshi ichki nazoratni amalga oshirish, manfaatlar to‘qnashuviga yo‘l qo‘ymaslik hamda mehnat jamoasida korrupsiyaga nisbatan murosasiz munosabatni shakllantirish bo‘yicha tizimli choralarni ko‘rishga mas’ul tarkibiy bo‘linma hisoblanadi.
2-bob. Bo‘lim faoliyatini tashkil etish
3. Bo‘lim faoliyatini tashkil etish tegishli vazirlik va idoralar hamda OTM tomonidan birgalikda amalga oshiriladi.
4. Bo‘lim o‘z faoliyatida bevosita OTM birinchi rahbariga bo‘ysunadi va uning oldida hisobdor bo‘ladi.
Bo‘lim rahbar va xodimlari lavozimga tegishliligi bo‘yicha vazirlik va idoralarning birinchi rahbarlari tomonidan tayinlanadi hamda faoliyati ular tomonidan muvofiqlashtiriladi.
5. Bo‘lim “E-anticor.uz” elektron platformasi uchun tegishli vazirlik va idoralarning korrupsiyaga qarshi ichki nazorat bo‘linmalariga zaruriy ma’lumotlarni taqdim qiladi.
3-bob. Bo‘limning mas’ul lavozimlariga nisbatan qo‘yiladigan talablar
6. Bo‘limning mas’ul lavozimlariga ishga olishda quyidagi minimal talablar belgilanadi:
yurisprudensiya, iqtisodiyot, moliya, soliq, audit, tizimli tahlil, menejment yoki axborot texnologiyalari mutaxassisliklari bo‘yicha oliy ma’lumot;
ichki nazorat bo‘linmasi boshlig‘i uchun kamida 4 yillik;
bosh mutaxassis uchun kamida 3 yillik ish staji;
komplayens va korrupsiyaga qarshi kurashish yo‘nalishidagi ish tajribasiga ustuvorlik beriladi;
korrupsiyaga qarshi kurashish sohasida maxsus o‘quv kurslarini tamomlaganligi to‘g‘risidagi sertifikatga ega bo‘lishi lozim.
4-bob. Xodimlarni tayinlash va lavozimdan ozod qilish
7. Bo‘lim xodimlarini lavozimga tayinlash tegishli vazirlik va idoralar bilan kelishilgan holda, ochiq va shaffof tanlov asosida amalga oshiriladi.
Bo‘lim xodimlarini lavozimdan ozod qilish ham tegishli vazirlik va idoralar bilan kelishilgan holda bo‘lim mustaqilligi va xolisligini ta’minlash maqsadida amalga oshiriladi.
8. OTM tanlov bosqichlarining boshlanishi va natijalari haqida tegishli vazirlik va idoralarga ma’lumot taqdim etadi.
Nomzodlarning malakasini tasdiqlovchi hujjatlar taqdim qilinadi.
Tanlov o‘tkazilish kuni va vaqti haqida kamida 3 kun oldin xabar beriladi.
9. Bo‘lim xodimlarini lavozimga tayinlash O‘zbekiston Respublikasining mehnat qonunchiligi, OTMning ichki hujjatlari hamda boshqa normativ hujjatlarga muvofiq amalga oshiriladi.
10. OTM birinchi rahbari tomonidan Bo‘lim xodimini lavozimdan ozod qilish yuzasidan tegishli vazirlik va idoraga taqdimnoma yuboriladi.
Taqdimnomada:
lavozimdan ozod qilish sabablari;
asoslantiruvchi motivlar;
tasdiqlovchi hujjatlar (ariza, qoidabuzarlik materiallari va boshqalar) ilova qilinadi.
Bo‘lim xodimini lavozimdan ozod qilish masalasi tegishli vazirlik va idoralarning korrupsiyaga qarshi ichki nazorat bo‘linmalari xulosasi asosida hal etiladi.
11. Tegishli vazirlik va idoralar Bo‘lim xodimlarini lavozimdan ozod qilish sabablari yetarli emas deb topsa yoki ta’qib holatlari mavjud bo‘lsa, xodim bilan suhbat o‘tkazishi mumkin.
12. Lavozimdan ozod qilishni kelishishni rad etish asoslari:
sabablar yetarli emasligi;
vazifalarni bajarmagani uchun asossiz ta’qib mavjudligi.
13. Hujjatlar 3 ish kuni ichida ko‘rib chiqilib, javob xati yuboriladi.
14. Intizomiy javobgarlik vazirlik va idoralar bilan kelishilgan holda qo‘llaniladi.
15. Taqdimnomada:
holatlar tavsifi;
xizmat tekshiruvi materiallari;
tushuntirish xati;
intizomiy jazo turi ko‘rsatiladi.
16. Rad etish asoslari:
yetarli asos yo‘qligi;
ta’qib mavjudligi;
jazo qonunga zid bo‘lsa.
17. Hujjatlar 3 ish kuni ichida ko‘rib chiqiladi.
5-bob. KPI masalalari
18. Bo‘lim xodimlariga KPI to‘liq qo‘llanilmaydi.
19. KPI pasaytirish vazirlik roziligi bilan amalga oshiriladi.
20. OTM rahbari taqdimnoma kiritadi.
21. KPI pasaytirish asoslari:
ichki tartib buzilishi;
intizomiy jazo;
korrupsiyaga qarshi tizim sustligi;
xavf-xatarlarni bartaraf etmaslik.
22. Vazirlik 3 ish kuni ichida qaror qabul qiladi.
6-bob. Bo‘limning vazifa va funksiyalari
23. Bo‘limning asosiy maqsadi — OTMda ISO 37001:2025 xalqaro standarti talablariga mos korrupsiyaga qarshi tizimni joriy etish, korrupsiyaning oldini olish, manfaatlar to‘qnashuvini bartaraf etish va xodimlar huquqiy madaniyatini oshirishdir.
24. Bo‘limning asosiy vazifalari:
korrupsiyani aniqlash va oldini olish;
korrupsiyaviy omillarni bartaraf etish;
ichki hujjatlarni ekspertizadan o‘tkazish;
davlat xaridlarida manfaatlar to‘qnashuvini oldini olish;
hisobotlarni vazirliklarga taqdim etish;
xavf-xatarlar ro‘yxatini shakllantirish;
ichki nazoratni amalga oshirish;
xodimlar orasida murosasiz munosabatni shakllantirish.
25. Bo‘lim quyidagi funksiyalarni bajaradi:
ichki hujjatlar loyihalarini ishlab chiqadi;
korrupsiyaga qarshi chora-tadbirlarni ishlab chiqadi;
risklarni baholaydi;
murojaatlarni tahlil qiladi;
xizmat tekshiruvlarini nazorat qiladi;
seminar va treninglarni tashkil etadi;
veb-sayt ma’lumotlarini yangilaydi;
xarid jarayonlarini monitoring qiladi;
xalqaro standartlarga moslikni ta’minlaydi;
so‘rovlar va tahlillar o‘tkazadi;
huquqni muhofaza qiluvchi organlar bilan hamkorlik qiladi.
26. Bo‘lim xodimlariga vazifasidan tashqari topshiriqlar berilmaydi.
Komissiyalarga jalb etish taqiqlanadi (faqat ayrim istisnolar bilan).
27. Bo‘lim tegishli vazirliklarning ichki nazorat bo‘linmalariga hisobdor.
28. Bo‘lim faoliyati OTM birinchi rahbari tomonidan tasdiqlanadi.
7-bob. Huquq va majburiyatlar
29. Bo‘lim huquqlari:
hujjatlar va ma’lumotlarni so‘rash;
tekshiruvlar o‘tkazish;
yozma ko‘rsatmalar berish;
xizmat tekshiruvlarini amalga oshirish;
rahbarga takliflar kiritish;
majlislarda ishtirok etish.
30. Bo‘lim majburiyatlari:
vazifalarni to‘liq bajarish;
qonunchilikka rioya qilish;
korrupsiya holatlarini zudlik bilan xabar qilish;
oylik hisobot taqdim etish.
31. Xodimlar maxsus o‘quv va treninglarda ishtirok etadi.
8-bob.
32. Ushbu Nizom talablarini buzgan shaxslar qonunchilikka muvofiq javobgar bo‘ladi.
